Gelezen op FaceBook pagina van nKreenk vuur de Twentse Sproak dd 03-03-2023
n Kreenk vuur de Twentse Sproak hef Niejs oaver ‘n Podbreef
”
Kottens hebt leden van’ Kreenk tehope met Peter Schavemaker, nen journalist oet Nijverdal den ok lid van’ Kreenk is, bedach um te beginnen met ne luusterpagina op Spotify.
Spotify wördt völ broekt vuur et luusteren van meziek en kuieriej. Dee Kreenk-Podcast het Podbreef.
In verscheadene biejeenkomsten, zoas in et Koetshoes/Twentehoes in Riessen, neamp Schavemaker met elkene dee met wil doon Twentse gedichen, vesjes, verhalen enzovoort op in audio.
In den Podbreef is ok ruumte vuur allerlei soorten leedjes in et Twents, en verhalen doaroaver.
Met ‘n Podbreef wilt wiej et Twents, met doarin alle verscheadene oetsproaken, vastleggen en loaten heuren.
De audiobestanden kö’j ofluusteren op de Spotify link:
Wat is ok a wier ne podcast?
‘n Streamingsdeens Spotify is de thoesbasis van podcasts, dee’j vergelieken könt met radio oetzendingen. ‘n Groot verschil met radio is da’j podcasts oaveral en aaltied, via Spotify könt ofluusteren en iej nich meer ofhankelijk bunt van woneer ‘n radioprogramma wördt oetzunden.
In Podcasts tref iej mangs kuieriej an en mangs kö’j luusteren noar meziek.
Ze könt feijlik oaver van alns goan…
Onzen Podbreef geet oaver et Twents; de taal en hoo of iej et oetsprekt.
Peter Schavemaker
”
NB: er bunt al meerdere podcasts of te luustrn op Spotify. Hier ku’n je gratis gebroek van moakn.
